Rúllablogg

2007-01-05T22:06:00.000Z

Gleðilegt ár gott fólk

Nýjársdagur á Korpúlfsstöðum.
Frost, fegurð og fuglasöngur.

2006-07-21T18:09:00.000Z

jibbý

2006-03-30T13:47:00.000Z

How Will I Die Quiz

You will die at the age of 101

You will die of sexual exhaustion

Find out how you will die at Quizopolis.com

2006-03-20T08:29:00.000Z

Runar --

[noun]:

A person who is a master of making ravioli

'How will you be defined in the dictionary?' at QuizGalaxy.com

Vissi nú alltaf að ég væri góður kokkur!!! :)

2006-03-15T20:42:00.000Z

Á skíðum skemmti ég mér tralallallaaaa:)
Þá erum við komin frá Ítalíu þar sem við vorum í dásamlegu skíðafríi.
Þar voru frábær fjöll, brjálaðar brekkur, himneskt hótel og framúrskarandi félagsskapur.
Fórum meðal annars upp á hæsta toppinn með þyrlu "3342 metrar" þar var okkur hent út og skíðuðum niður með stæl. Maður náði að rifja upp gamla skíðatakta í hinum fjölmörgu skemmtilegu brekkum sem þarna voru og komst meira að segja í braut. Á svæðinu eru 450 lyftur eða svo af ýmsu tagi þar á meðal kláfur sem tekur 102 manneskjur í stæði, og þar er bara ýtt inn og lokað!!
Hótelið var alveg unaðslegt, með 5-6 rétta máltíðum á hverju kvöldi, sauna og sundlaug og barinn og staffið var hverrar stjörnu virði.

2006-02-08T19:09:00.000Z

Arna Lind frænka mín skoraði á mig að svara þessum smurningum og auðvitað gjörir maður það!!

Fjögur störf sem ég hef unnið.
1. Í slorinu hjá Íshúsfélagi ísfirðinga heitnu.
2. Byggingarvinna hjá Eiríki og Einari Val.
3. Hjá Flugleiðum á Ísafirði.
4. Hjá Oddanum audda.

Fjórir staðir sem ég hef búið á
1. Ísafjörður
2. Reykjavík
3. Ísafjörður
4. Reykjavík

Fjórir sjónvarpsþættir sem ég fíla.
1. Formúla 1
2. Lost
3. OC
4. Spooks

Fjórir staðir sem ég hef ferðast til
1. Spánn
2. Mexíco
3. Marokkó
4. Frakkland

Fjórar vefsíður sem ég skoða daglega
1. Blog.central.is/mi86
2. bb.is
3. kylfingur.is
4. mbl.is

Fjórar uppáháldsmatartegundir.
1. Kjúklingur
2. Lamb
3. Hákarl
4. Naut

Fjórir cd sem ég get ekki verið án.
1. Mugison is this monkeymusic
2. Stuðmenn, sumar á sýrlandi
3. Vilhjálmur Vilhjálmsson
4. Salsa og Silvía Nótt

Ég skora á alla þá (3) sem lesa þessa síðu að svara þessum spurningum.....

2006-02-02T18:22:00.000Z

Kjelling
Arfaslakt að tapa fyrri norsku handboltaliði með Kjellingu innanborðs.
Djöfull er ég fúll. Og að láta einn mann skora 19 mörk á móti sér í alvöru landsleik, bara djók.
Ohhhhhhhhhhh

Læt hérna fylgja mynd af Kjellingunni svona fyrir kjellingarnar!

2006-01-05T21:46:00.000Z

Gleðilegt ár góðir íslendingar og aðrir einnig.
Um áramót er gott að líta um öxl, nema fyrir þá sem eru með slæmsku í hálsi.
2005 var í alla staði hið ágætasta ár held ég bara, nema kannski Davíðsmissirinn og veðrið !! Ljósu punktarnir voru mun fleiri svosem sumarfríið, utanlandsferðir og fleira.
2006 verður prima gott ár, fertugafmæli í bunkum, skíðaferð og ríjúníjon svo eitthvað sé nefnt.
Meðfylgjandi mynd er af Nilla með skipablys, gríðarlega skýr og skemmtileg mynd!

2005-12-19T23:38:00.000Z

Jó jó jólin eru að koma!!!
Heldur betur að komast í jólaskap, fórum til London um þarsíðustu helgi og var það ósköp næs. Þrömmuðum um Oxfordstræti fram og til baka auk nokkurra hliðargatna og túrhestarúnt um Thames og kringum Augað góða. Það var auðvitað verslað mökk mikið þrátt fyrir sögusagnir um að London sé nú í dýrari kantinum, gerði samt verðkönnun í dag á Puma skóm sem ég keypti á 50 pund, útleggst á gengi dagsins á 5.550 krónur, sá þessa sömu skó í Útilíf áðan á 10.990, ef London er dýr hvað erum við þá, animals?
En hvað um það, nokkrar jólabækur liggja nú þegar í valnum, Arnaldur, Þráinn, Yrsa og Steinolía, fínustu bækur alltsaman, fannst Yrsa (þriðja táknið) best af þessum, Þráinn betri en síðast og Arnaldur verri en síðast en samt fínn, Steinunn var bara skemmtileg og mjög fljótlesin.
Hafið það sem allra best um jólin ef það vill svo ólíklega til að ég bloggi ekki aftur fyrir jól :) Gleðileg jól !!

2005-10-31T22:07:00.000Z

Hæ
Kominn tími á eitt blogg úr þessarri áttinni....
Allt fínt að frétta, fór til Frankfurt um daginn á stærstu bókamessu veraldar, það var mikið gaman og ansi stórt, ca eins og 8 laugardalshallir sem þurfti að skanna og sumar margar hæðir.
Það var drukkið vel af bjór og borðað bæði með höndum (Eþíópískur) og prjónum (japanskur) ferlega fínt. Svo sá ég EKKI Pamelu Anderson en það var það eina sem íslendingar vissu um þessa messu í gegnum fréttastubb í mbl.is.
Síðan lenti ég í þeirri fyrru að kaupa mér Tiger Woods tölvuleik í fríhöfninni og hef verið frekar leiðinlegur í sambúð síðan, en María hunang, þetta hlýtur að lagast!
Nú er bókavertíðin á fullu í Oddanum og skruddurnar streyma útúr vélunum, hef augastað á nokkrum sem ég hef hug á að lesa, Arnaldur og Þráinn, Ólafur Gunnarsson og svo er Steinunn Ólína með ferlega flotta bók útlitslega séð, en eðlilega pælir maður nokkuð í útliti bóka en verst að það hefur voða lítið með innihaldið að gera.

2005-10-10T10:38:00.000Z

Sýn
Nýja sýnin stendur sig bara asskoti vel.
Mundi samt alveg vilja fá sjónvarpsstöðina Sýn líka til þess að sjá golfið þar, en maður getur ekki fengið allt sem maður vill!!
Annars allt í gúddí fíling, vorum á árshátíð um síðustu helgi hjá Oddanum, þrumustuð þar að venju, og kallinn fékk úr, sko svona sem sýnir tímann, eftir 10 ár í starfi, ljómandi það!
Framundan er síðan Frankfurt, London og jólabækur.

2005-09-16T18:21:00.000Z

Blindir fá sýn :)
Jæja kominn tími til að blogga enda stór dagur í mínu lífi.
Fór semsagt í laseraðgerð í dag og sjónin mín batnaði um 7 heila eða þar um bil. þetta kallar maður nú bara kraftaverk. Mann hafði reyndar dreymt um þetta frá því maður las um rússneska sérfræðinga í Vikunni fyrir 25 árum sem voru að prófa sig áfram í svona aðgerðum og nú varð þetta að veruleika.
Svo er þetta líka mjög lítið mál, smá bzzzzzz og svo bara búið, eða því sem næst.
Æði.

2005-08-14T21:51:00.000Z

Ola gott fólk.
Vid familian erum nú í gódu yfirlaeti í Portugal thar sem er sol og blida alla daga og vel heitt, hitastigid er reyndar ekki alveg a hreinu thar sem portugalar eru ekki eins uppteknir af vedrinu og vid morlandar og eru ekki med hitamaela á hverju gotuhorni, hofum reyndar ekki séd neinn en okkur var sagt af staffi hotlsins ad thad hafi veri 36 stiga hiti en vid seljum thad ekki dyrara thvi ekki drapumst vid ur hita enda finasta gola her yfirleitt.
Annars eru allir hressir og saelir og brunir og gladir.
Katla á afmaeli i dag, 9 ára stúlkan sú og fékk fína mínukoku í tilefni dagsins.
Sumir hafa verid thokkalega duglegir ad versla, nefni engin nofn thó!!!!
Anna Margrét er med yfirgnaefandi forystu í brunkukeppninni ógurlegu, thratt fyrir ad vera med solarvorn nr. 30 - 40 !!
Bestu kvedjur heim í regnid.
Rúnar, María, Magna Rún, Katla og Anna Margrét.

2005-07-06T00:13:00.000Z

Váá ný færsla, hvað kemur til?
Það er svosem ekkert sérstakt, þannig lagað, allt með kyrrum kjörum. Erum núna í sumarfríinu hinu fyrra, fórum í bústað í Vaðnes í 5 daga og á morgun skal haldið til Ísafjarðar á vorum fjallabíl hvar við skulum hitta Kötlu og Mögnu og fleira skemmtilegt fólk og eiga þar góðan tíma.
Í sumó var ljómandi fínt, reyndar rok og rigning part úr tímanum en það gleymist fljótt, hittum mýs, rottur og fleiri gúmmelaðidýr í Slakka við mikla hrifningu Önnslu, við Anna fórum einnig í draugasetrið á Stokkseyri og lentum í bregðingum í tvígang, nokkuð spes staður!! Við María vorum étin af flugum á golfvellinum í Öndverðarnesi og golfsveiflan er í niðursveiflu eftir tíma hjá kennara í síðustu viku. En það kemur vonandi :)

2005-05-18T11:51:00.000Z

Þetta mánaðarlega blogg mitt er nú orðið frekar slappt, viðurkenni það alveg....
Ég er þó búinn að vera duglegur, hef hjólað í vinnuna í 2 vikur, og golfað slatta.
Dró Maríu með í vormót Odda á annan í hvítasunnu og var hún geysidugleg, og vonandi fer hún að smitast almennilega af þessarri bakteríu. Ég fór líka í golf á Laugardaginn upp á Skaga og þar er völlurinn alveg frábær, grínin alveg pottþétt, og mun betra en á GR völlunum. Fékk meira að segja einn fugl og rétt missti annan! osvei.
Á laugardaginn fór ég líka á ball með Grafík og var það ansi skemmtilegt enda orðið frekar langt síðan ég fór síðast á svoleiðis ball. Þar var eitthvað af ísfirðingum en hefði mátt vera meira.
C U

2005-04-21T13:15:00.000Z

Gleðilegt sumar!
Já nú er sumarið komið með allri sinni rigningu, nei vonandi fáum við sómasamlegt veður.
Takmark sumarsins er að hafa það sem allra best, leika sér, gera einn lítinn skjólvegg, fara í sumarfrí og komast niður í 18 í forgjöf (er 21.1)
En 18 þýðir það að þú ert bogey spilari sem þýðir að maður fari allar holur að jafnaði á einu höggi yfir pari. Ef einhver heldur að það sé gott þá er það mesti misskilningur, í dag eru 5489 golfarar á Íslandi með lægri forgjöf en ég skv. golf.is

2005-03-30T22:14:00.000Z

Drifiðádagahefurmargtsíðansíðast!
Magna Rún fermdist með stæl á Pálmasunnudag og var það hinn besti dagur, um páskana var rennt til Ísafjarðar þar sem dagskráin var stíf. Langi Mangi á miðvikudag, heimahús í mat og bús á skírdag, á föstudeginu langa var það Krúsin með B.G. Ingibjörgu, Rúnari Þór, Reyni Gvendar kýlis og Möggu Geirs, gríðarlegt stuð þar og mikið dansað. Aldrei fór ég suður á laugardag heldur var bara á Vestfjörðunum, fyrst í golfi á Þingeyri og síðan í Edinborgarhúsinu þar sem Karlakórinn Ernir með Appolló sér við hlið sló í gegn ásamt Mugison. Á sunnudaginn var haldið á skíði og keppt í garpamóti og síðan brunað í borgina á 5 tímum.
Semsagt þeytingur hinn mesti en skemmtilegur og alltaf jafn gaman að koma vestur.
hilsen

2005-03-06T21:42:00.000Z

Kóngurinn!
Við fórum í Kónginn í dag, fínasta græja, góður hraði, mýkt og unaðslegt að fara í og úr.
Það var reyndar svolítið sull, en rennslið ljómandi og allt frekar blautt.

2005-02-15T21:20:00.000Z

Tjahhh, hrottalega long time no seeeeee!
Eigi mun ég þó biðjast velvirðingar því það er jú ég sem ræð.
Takk fyrir það.
Í gær var Valentínusardagurinn og þá ætlaði ég reyndar ekki að vera neitt sætur enda þykir mér þetta frekar hallærislegur amerískur siður, kýs frekar Konudaginn hinn eina sanna til þess að láta ljós mitt skína, en hvað um það, ég keypti súkkulaðikúlur í búðinni og pakkaði inn en þegar pakkinn var opnaður kom óhroðinn í ljós!!! Þetta var DÖKKT súkkulaði en ekki ljóst. Konan mín er nefnilega frekar óhrifin af dökku súkkulele, en hvað haldiði, aðeins 3 molar eftir í dag, merkilegt hvað súkkulaði þó það sé ekki gott getur laðað til sín konur!!
Ef einhver sem les þetta fæddur símamaður, smá bögg með tenginguna hjá okkur nefnilega!
later!

2005-01-21T11:10:00.000Z

Í tilefni bóndadagsins.

Þegar maðurinn kemur heim............
Þessar reglur eru teknar úr kennslubók í heimilisfræði 1950 og eru að sjálfsögðu góðar og gildar enn í dag.
1. Hafðu kvöldmatinn tilbúinn á réttum tíma. Það veitir honum þá tilfinningu að þú hafir verið að hugsa um hann og að þér sé annt um þarfir hans. Flestir karlmenn eru svangir þegar þeir koma heim og tilbúinn matur er hluti af því að láta hann finna hversu velkominn hann er heim, en það er karmönnum nauðsynlegt.

2. Notaðu 15 mín.til að snyrta þig og skipta um föt áður en hann kemur. Hann er að koma heim úr leiðinlegri og erfiðri vinnu og er þreyttur.
Vertu svolítið hress og skemmtileg til að hressa hann við.

3. Taktu upp allt rusl og dót. Farðu eina umferð um húsið og safnaðu saman skólabókum, leikföngum, pappírsrusli og blöðum. Renndu svo tusku yfir borðin til að þurrka af og þrífa svolítið. Eiginmanni þínum mun finnast hann kominn í friðarparadís og það hefur mikið að segja fyrir hann.

4. Snyrtu börnin til. Það tekur aðeins nokkrar mínútur að þrífa hendur og andlit og greiða þeim. Ef þarf, skaltu láta þau skipta um föt. Þau eru hans fjársjóður og hann vill sjá þau þannig.

5. Sjáðu til þess að húsið sé hljóðlátt. Slökktu á öllum vélum, s.s. uppþvóttavél, þvottavél, þurrkara og ryksugu. Reyndu að sjá til þess að börnin hafi hljótt.
taktu á móti honum með glöðu brosi.

6. Gættu þess að hella ekki yfir hann kvörtunum þegar hann kemur. Ekki heldur kvarta þó hann komi of seint í mat. Þú getur verið viss um að þínar kvartanir eru minniháttar í samanburði við það sem hann hefur þurft að þola yfir daginn.

7. Sjáðu til þess að hann hafi það þægilegt. Láttu hann halla sér aftur á bak í hægindastól eða stingdu upp á því að hann halli sér smástund í rúmið. Vertu tilbúinn með kaldan eða heitan drykk handa honum. Bjóddu honum að klæða hann úr skónum og hagræddu púðunum undir honum. Ræddu við hann með rólegri, mjúkri röddu. Leyfðu honum að slaka á.
8. Láttu hann ráða kvöldinu. Ekki kvarta þó hann fari ekki með þig út að borða eða á aðrar skemmtanir, reyndu í stað þess að skilja að hann hefur fengið sinn skerf af streitu og látum yfir daginn og þarfnast hvíldar heima.

10. Markmiðið er að gera heimilið að stað þar sem eiginmaður þinn getur fundið frið og reglu og getur slakað á eftir erfiðan dag.

Ég veit nú ekkert hvað varð um reglu 9!!

2005-01-19T11:41:00.000Z

Niðrandi!
Mitt ágæta fyrirtæki gefur út dagbækur af ýmsum gerðum, í þeim eru oft á tíðum málshættir af ýmsu tagi. Nú hafa feministar tekið eftir því að nokkrir málsháttanna í einni bókanna eru niðrandi fyrir konur og var bókin því innkölluð og beðist afsökunar.
Mér finnst þetta nú ef satt skal segja óþarfa viðkvæmni, þetta eru eldgamlir málshættir og margir barasta bráðskemmtilegir og flestir dagsannir og það sem meira er, margir eru fengnir úr Biflíunni, spurning hvort næst komi krafa um að innkalla allar Biblíur landans. Reyndar var umfjöllunin frekar jákvæð fyrir Oddann og í þeim skilningi besta mál en ég vil ekki lúffa fyrir svona dellu.

En hér má sjá óskapnaðinn:

Flestum minnkar frelsi þá fengin er kona
Sá á konu sem kaupir
Dugandi konu kaupir enginn of dýrt
Hlýðin kona hefur í staðinn ást og eftirlæti
Kona er karlmanns fylgja
Sá flytur gott hlass í garð sem góða konu fær
Sá á þarfan hlut sem á þrifna konu
Laust er kvenna lyndi
Venja má villidýr en ei villta konu
Aldrei er kvennastjórn affaragóð.

2005-01-09T22:31:00.000Z

Jú ég held að jólin séu nú bara loksins búin og áramótin og allt það, ég er þó ekki búinn að taka niður allar jólaseríurnar á jólahúsinu en það er nú svo huggó að hafa svona seríós í skammdeginu. Annars fóru hátíðarnar í alla staði vel fram og allir kátir og hressir og skemmtu sér vel.
Nú tekur amstur hversdagleikans við á ný en þá er um að gera að gera hversdagleikan óhversdagslegan og einstakan þannig að allir dagar verða yndislegir. T.d. í dag fórum við á skíði í Skálafell og var það alveg ljómandi frábært, besta færi og fullt af fólki, kannski fullmikið af fólki en maður kvartar ekki yfir svoleiðis og svo hittir maður alltaf eitthvað af fólki sem maður kannast við, sáum t.d. Svanhildi, Ella, Siggu, Svanhildi hina og Siggu B. Hilmar, Ellert, Guðmund.
Fyrir utan skíðin þá höfum við María dottið í smá Scrabble æði nú eftir áramótin, höfum ruslað af einu spili á dag síðustu viku eða svo og er eggið nú farið að spæla hænuna fulloft :(
Takk fyrir þolinmæðina þið sem hafið verið að klikka inn á þessa síðu síðustu vikur án þess að sjá neitt nýtt, stendur vonandi til bóta!!!

2004-12-14T09:07:00.000Z

Ég komst yfir nokkur bréf sem jólasveinninn sendi....

Elsku Jólasvein,
ég vil geimskib i jólagjöv. Ég hev verið góður allt árið.
Þin vinur, Bjössi.

Kæri Bjössi.
FRÁBÆR STAFSETNING!!! Þú ert heppinn ef þú færð starf í ruslinu í framtíðinni. . Hvernig væri að ég sendi þér bók til að þú gætir lært að lesa og skrifa. Ég gef bróður þínum geimskipið sem þig langaði í, hann kann að minnsta kosti að skrifa.
Jólasveinninn.

Kæri Jólasveinn.
hvað ert þú að gera þegar það eru ekki jól? Ertu kannski að búa til leikföng?
Erla.

Kæra Erla.
HVAÐ!? Rosalega ertu vitlaus, veistu ekki að öll leikföngin eru búin til í Kína eins og stendur skýrum stöfum á þeim, kanntu kannski ekki að lesa? Ég á litla íbúð í Las Vegas þar sem ég eyði mestum tíma mínum. Þar sit ég, klíp í rassinn á fáklæddum þjónustustúlkum, eyði peningum í rúllettu og drekk romm í kók. Og svo þú farir ekki að velta því fyrir þér næst þá geta hreindýr ekki flogið en þau eru ljúffeng í piparsósu.
Hey!! Þú vildir vita það!
Jólasveinninn.

Kæri Jólasveinn.
Ég veit ekki hvort þú getur hjálpað mér en fyrir þessi jól langar mig ekki í neitt nema það að mamma mín og pabbi verði aftur saman. Viltu vera svo góður að sjá hvað þú getur gert.
Eva.

Elsku Eva.
Hvað! og eyðileggja þetta eldheita samband sem pabbi þinn á ennþá við barnfóstruna þína? Hann ***** hana eins og hlera í 20 vindstigum. Ég er tilbúinn að láta þig hafa Barbie dúkku í staðin.
Jólasveinninn.

Kæri Jólasveinn.
Mig langar í fleiri Yu-gi-oh spil. Allir vinir mínir eiga miklu fleiri spil en ég.
Þinn Maggi.

Kæri Maggi.
Mér er algerlega hulin ráðgáta hvað þið eruð klikkuð að safna þessum spilum. Sníkið spil af foreldrum ykkar fyrir þúsundir króna og nennið svo ekki einu sinni að læra leikinn sem er spilaður með spilunum.
Hér hefurðu Lúdó, gamalt og gott spil sem ég gef þér frekar.
Sáttur?
Jólasveinninn.

Kæri Jólasveinn.
Mig langar í nýtt hjól, Playstation, trommusett, Harry Potter lego og leisergleraugu.
Kveðja, Meyvant.

Kæri Meyvant.
Meyvant... MEYVANT. Hver í ansk... gefur barninu sínu nafn eins og "Meyvant"!? Hvernig væri að ég sendi þér Barbie og Ken, MEYVANT, ha ha ha ha ha ha. Segðu mér Meyvant, hvað varstu oft laminn í skólanum í dag? He he he he he he... ho ho ho!
Jólasveinninn.

Elsku Jólasveinn.
Ég er búinn að skrifa þér fyrir hver einustu jól í þrjú ár til að biðja þig um brunabíl. Ég er búinn að vera mjög þægur allt þetta ár, viltu vera svo elskulegur að gefa mér brunabíl?
Þinn Jói.

Kæri Jói.
ég skal sko aldeilis bæta þér þetta upp. Hvernig væri að ég kæmi eina nóttina og kveikti í húsinu þínu meðan þú sefur, þá færðu að sjá fleiri brunabíla en þig óraði fyrir.
Jólasveinninn.

Kæri Jólasveinn.
Mig langar svo óskaplega í hvolp í jólagjöf.
Viltu gefa mér hvolp! Gerðu það elsku besti jólasveinn viltu gefa mér hvolp, gerðu það, gerðu það.
Þinn vinur Reynhard.

Reynhard!
Þessi sníkjutónn og suð virkar kannski á foreldra þína en hann hefur þveröfug áhrif hér, Þú færð lopapeysu eins og í fyrra.
P.s. þú er ekki skyldur Meyvant, er það?
Jólasveinninn.

Elsku besti Jólasveinn.
Það er enginn strompur á húsinu okkar, hvernig kemur þú inn.
Þinn Biddi.

Brynjar!
Í fyrsta lagi: Hættu að kalla sjálfan þig þessu ónefni "Biddi". Þetta er ein af ástæðum þess að þú ert laminn í skólanum nær daglega.
Í öðru lagi: Þú býrð ekki í húsi! Þú býrð í félagslegri íbúð vegna þess að kerlingin, sem segist vera móðir þín, nennir ekki að vinna og gerir sér upp örorku.
Í þriðja lagi: ég kemst einfaldlega inn eins og glæpamenn komast inn - inn um svefnherbergisgluggan þinn!
Dreymi þig vel.
Jólasveinninn.

2004-12-07T14:06:00.000Z

Jólin koma.....
Helgin var ágæt og busy, byrjaði með útgáfuteiti JPV á föstudaginn, laugardagurinn var þéttskipaður, hófst með jólaföndri í Seljaskóla, afmælisViddabrunch í Jóruseli, afmæliKatrínar í Ekrusmára og svo Magna að syngja og leika í Borgarleikhúsinu ásamt Kollu og stóðu þær sig glimrandi frænkurnar. Sunnudagurinn fór svo í afslöppun og nautasteik!
Annars er allt í gúddí, léttur jólafiðringur að nálgast, kortin að koma úr prentun og stefnan er að kafna ekki í stressinu korter í jól heldur vera búin að öllu sem skiptir máli í tíma.

þakka gott hljóð
yfir og út

2004-11-30T14:00:00.000Z

Kleifarvatn
Við hjúin lásum Kleifarvatn Arnaldar nú fyrir skömmu og er þar ekta Arnaldur á ferð, Erlendur og co mætt aftur á svæðið eftir Bettýjar hliðarsporið sem var nú samt mjög fínt.
4,5 sófar þar á ferð af 5 mögulegum.
Annars fórum við þrenningin í Kleifarvatn í gær, þ.e. í pottinn í Kleifarseli og var það mjög ljúft svona í kuldanum og skelltum við einni Avocadobombu út í, frískandi mjög, ahhhhh.
Rúllinn gerðist kennari í gær, kennti á Excel námskeiði í Prenttæknistofnun, fínt að vera búinn að því eftir margra mánaða stressun.
Sáu lesendur Rúllann í Visapóstinum sem borinn var út í gær?
hilsen

2004-11-24T13:07:00.000Z

Skattar
Hvernig í ósköpunum getur fólk verið á móti skattalækkunum, ég bara botna ekki bofs í því.
Stjórnarandstaðan stendur á öndinni, ekki rétti tíminn, ekki rétta aðferðin, ekki réttu tölurnar, sumir fá meira en aðrir, blabla, halda þeir að landsmenn séu fífl, eða eru landsmenn fífl?
Hvaða fokking réttlæti er í því að hjón með 500 þúsund kall á mánuði í tekjur borgi 125.000 kall í skatt á meðan hjón með 300 þúsund borgi 35.000 kall. 65% hærri tekjur en borgar 350% hærri skatta.
Er þetta jöfnuðurinn sem Samfylkingin vill. Þetta er náttúrulega ekkert annað en ójöfnuður, letjandi kerfi og ófjölskylduvænt.
Og hananú sagði hænan og lagðist á bakið!!

2004-11-22T11:35:00.000Z

Englar og djöflar…
...er bókin eftir Dan Brown þann sama og skrifaði Da Vinci lykilinn.
Þessi er í sama dúr, dálítið vísindaskáldsöguívaf en ótrúlega spennandi og myndræn saga, maður sér allt fyrir sér eins og í bíómynd og stendur sjálfan sig að því að setja fræga leikara í hlutverkin!
Bókin gerist að mestu í Róm á nokkrum tímum og yfirvofandi er sprenging vatikansins, Robert Langdon þarf að leysa nokkrar þrautir og leiðir lesendur um ýmsa staði Rómarborgar í leit að táknum og vísbendingum.
Þeir sem höfðu gaman af "Lyklinum" endilega lesið þessa.
4 sófar af 5 mögulegum.

2004-11-16T16:15:00.000Z

Dásemd!
Unaðslegt að sjá samstöðu kennara og hversu hugumprúðir þeir eru.
Önnur eins samstaða hefur ekki sést í mannaminnum.
Óska kennurum til hamingju með það.
Skil ekkert af hverju það er ekki löngu búið að ganga að öllum kröfum kennara.
Börnin hafa líka bara gott af þessu, mæta með foreldrunum í vinnuna viku eftir viku, verst að þau þurfa að heyra ýmislegt sagt um kennarana sína sem er miður gott, en hvað um það, á misjöfnu þrífast börnin best eins og sagt er.
En er svo ekki bara farið að snjóa í henni Reykjavík, ja ma maður fær bara heimþrá í faðminn fjalla blárra við að sjá þetta!
oseisei já

2004-11-11T10:46:00.000Z

Úff já ég veit ég veit, ferlega slakur í blogginu.
Ætla þó ekki að lýsa því yfir eins og sumir úr familíunni að ég sé hættur.
Eitthvað svo mikið að gera bara, er að setja saman námskeið sem ég er að fara að kenna og það tekur frekar mikið power úr manni. Hef ekki lesið mikið en er að lesa nýju Dan Brown bókina og María er að lesa Kleifarvatn Arnaldar þannig að það er von á bókarýni héðan.
Meira síðar....

2004-10-26T10:39:00.000Z

strejk
Fer þetta ekki að verða komið gott, sjötta vikan í verkfalli!!
Má ég biðja deiluaðila vinsamlegast að semja áður en ég öskra. Það verða báðir að slá af, þannig er það í samningum sko, og kennarar athugið að maður borðar ekki fíl í heilu lagi, það er einn biti í einu. Nú ef þið viljið ekki bita af fílnum þá verið bara í fílu áfram, arghhh. Það græðir enginn á verkfalli og bara til þess að vinna upp launatap í 6 vikur þurfa kennarar líklega að vinna í svona 5 ár til að vera á sama level og samningarnir hljóða uppá!!
Grand!!

2004-10-22T08:51:00.000Z

Eftirmál
Var að lesa þessa bók eftir feðgana Njörð 0g Frey. Þetta er nokkuð týpísk dópistasaga, en sögð af dópistanum sjálfum og maður kemst vel inn í hans hugarheim. Freyr segist ætla til Akureyrar í vinnu en stingur af til Amsterdam hvar hann sekkur í heróínið, ekki í fyrsta skiptið. Þetta er óhugguleg saga og dregur fram ansi góða lýsingu á þessu lífi sem snýst eingöngu um það að fá næsta skammt og redda sér pening fyrir honum áður en fráhvörfin koma. Ömurlegt líf þar sem maðurinn er hlekkjaður við dópið og getur ekki slitið sig frá því.
Maður hefur að vísu lesið svipaðar bækur, og horft á Trainspotting en þó vísan sé vond þá þarf að kveða hana .
Mér fannst "gaman" að lesa þessa bók og gef henni 3 og hálfan sófa af 5.

2004-10-15T10:26:00.000Z

Bókaumsögn
Jólabækurnar eru nú farnar að gubbast útúr prentsmiðjunni minni og spurning hvort maður eigi að kommentera á bækur sem maður les fyrir jólin!!

En ég las sumsé bókina "11 mínútur" um daginn, þetta er bók eftir brasilískan höfund og er byggð á dagbók sem honum barst frá brasilískri vændiskonu.
Þorpstúlka frá Brasilíu fær boð um frægð og frama í útlöndum og fór til Sviss með hóteleiganda sem notaði hana sem dansara, síðan stakk hún af þaðan og ákvað að eigin frumkvæði að fara í vændi, mokaði inn seðlum og fann að lokum ……………………maður má nú ekki segja allt!!

Ég varð fyrir dulitlum vonbrigðum með bókina þar sem ég gerði mér frekar miklar væntingar, bókin hefur verið ausin lofi og selst í milljónaupplögum út um heiminn, en það besta við bókina er að þetta er ekki einhver mansalsfrásögn, heldur lýsir hún lífi vændiskonu sem var með fulla stjórn á sínu lífi. Einhvernveginn þá finnst mér bókin ekki standa undir þessu lofi. Ósköp svona lala bók sem líður í gegn frekar átakalaust. Gef henni 2 og ½ sófa af 5 mögulegum.

2004-10-11T23:35:00.000Z

Svaðalegt!
Hvurslags orðskrípi er nú það? Mér leiðist þegar svona orð festast í málinu og jafnvel eldri menn eru farnir að nota það eins og ekkert sé.
Þá hef ég einnig stórar áhyggjur af Cocoa Puffs kynslóðinni sem skrifar "eikkað", "gegt" og "akkuru" án þess að blikkna og "bra" sem er víst ekki andahljóð, nei það þýðir sko "bara". Minnir mann svolítið á Ameríkanana sem stytta öll orð sem þeir geta, skrifa t.d. "lite" í stað "light" og spara með því einn staf!
Well nú er mar farinn að hljóma eins og eikker gömul fcking tjélling!!!

2004-10-01T15:20:00.000Z

Hnegg hnegg
Þá er enn ein vinnuvikan að renna á enda, ennþá verkfall hjá kennurum. Katla og Anna eyddu vikunni á reiðnámskeiði hjá Þyrli, undu þar hag sínum vel lærðu að umgangast hrossin, riðu út og gerðu jafnvægisæfingar. Anna Margrét smyglaði sér í eldri hóp til þess að vera með Kötlu og fá að fara á bak almennilega og sagðist vera 8 ára þrátt fyrir að vera ekki orðin 7!! Smá hvít lygi sakar ekki enda sæmilega hávaxin og þroskuð stúlkan sú. Katla fékk minnsta hestinn, Dísufák en Anna þann stærsta, Trölla til afnota og urðu þar til einhverjar ástir!! Þær systur voru síðan verðlaunaðar með Maggadóna í hádeginu sem Þórhildur frænka slóst í hópinn og leitaði sú ákaft að rennibrautinni sem er víst á öðrum svona stað!!
Nú rennur svo helgin í hlað og byrjunin lofar góðu með Eldamennsku með Elvis og á morgun er afmæli hjá Trínu systur í sumó hjá Úllu frænku!! Skilji þeir sem vilja, vonast einnig til þess að byrja morgundaginn með smá golfi!

2004-09-27T14:40:00.000Z

Humar, draugar og sýslumaðurinn
Helgin var fín, maður lá svolítið í leti fyrir framan formúlu og fótbolta, en fór einnig á djammið og það meira að segja út á land!!
Stokkseyri var staðurinn (af öllum!!) fórum með vinafólki átum illa útilátinn Humar í Fjöruborðinu og héldum síðan á Draugasetrið hvar Hljómsveitn Mae West lék Stones lög af miklum móð undir verndarvæng sýslumanns, sem tróð upp eins og við var að búast. Hann hefur ekkert stækkað kallinn!
Stinni "bró" stóð sig vel að vanda og tók sig frábærlega út í rokkbuxum og leðurfrakka. En söngvarinn var þó enginn Jagger, enda ekki hægt að búast við því. Mæting var allgóð og mátti sjá slatta af vestfirðingum í hópnum, enda sagði kellan í sjoppunni að það væri allt fullt af vestfirðingum í þessum plássum og það væru þeir sem héldu uppi menningunni! Auðvitað!

2004-09-24T14:54:00.000Z

Verkfall
Nú er útlit fyrir að þetta verkfall standi nokkuð lengi enn.
Ekki ætla ég að taka afstöðu til deiluaðila en eitt verð ég nú að segja að ég öfunda kennarana ekki neitt svakalega af þeirra hlutskipti. Ég hef nefnilega lent í því að leiða krakkahópinn (sem er í geymdur í Odda í verkfallinu) í vettvangstúra í gegnum fyrirtækið! Þó þetta séu eflaust vænstu púkar inn við beinið og hvert í sínu lagi þá geta þeir orðið fjandanum erfiðari þegar þeir koma saman í svona hóp, klifrandi upp um allt og eru gjörsamlega ekki að hlusta á neitt sem maður segir. Ef ég væri að vinna við þetta allan daginn þá held ég að launin hans Steina Gunn mundu varla duga til að halda mér í djobbinu og þyki ég nú þó frekar barnvænn náungi!
En ef öll börn væru eins og mín börn þá væri þetta nú ekki mikið mál! Þannig að ef til eru bekkir með eintómum Kötlum og Önnum gæti ég hugsað mér að endurskoða þetta!

2004-09-17T10:34:00.000Z

Arnaldur
Haldiði að við skötuhjúin hafi ekki dottið í krimmasögur.
Erum nú að klára Arnald allan í einum rykk, komumst á lagið á ferðalagi okkar um daginn, lásum þá Mýrina í flugvélum og lestum, komum svo heim og höfum verið að éta hann upp smám saman. Ég fann fyrstu bækurnar í Oddabókasafninu, Syni duftsins og Dauðarósir, vantar enn Napóleonsskjölin, eigum held ég rest! Merkilegt hvað þetta heldur manni við efnið, ég á það til að sofna yfir bókum nebbla! En hef nú lesið 4 bækur á 2 vikum, örugglega met hjá mér, er með tvær bækur á náttborðinu síðan á jólum sem ég hef ekki komist yfir vegna svefs og leiðinda.
Held það sé ekkert gáfulegt að lesa í rúminu, best í sófanum eða á dollunni.
En varðandi Arnald þá er hann fín afþreying þó bókmenntalega séð séu þetta kannski ekki nein snilldarverk, en að selja hundruðir þúsunda af hverjum titli segir þó nokkuð!

2004-09-10T09:22:00.000Z

Húsið er að gráta!
Sælinú! Fórum á Grafíkurtónleikana í gær og það var bara ansi magnað, spilað allt þetta gamla og góða allt frá Videó videó og upp í prinsessuna, Andrea mætti óvænt á svæðið og gerði góða hluti og stákarnir hans Rabba stóðu sig vel, og Helgi var frábær, semsagt flott en hefði verið gaman að taka eitt ball líka!!
Þarna var samansafn af gömlum áðdáendum og samkoman var eins og Sólarkaffi ísfirðinga þar sem þeim sem eru eldri en 55 er bannaður aðgangur :)

Heyrði í fyrsta sinn: "serðuðumst í baði" í stað "ferðuðumst til Balí" ;)

Hún Magna Rún á afmæli í dag! Til hamingju Magna Rún 13 ára skvísa! :)

2004-08-31T15:14:00.000Z

Heima er best - ískalt!! (eða var það Pepsi?)
Jæja þá er maður kominn heim á ný eftir París-Brussel rúntinn.
Ferðin tókst í flesta staði vel, nema hvað rellan sem flutti okkur út tók upp á því að bila og þar fór hálfur dagur til fj.
Í París var bara ljúft, hefðum þó þurft aðeins meiri tíma, en fórum þó á nokkra góða staði m.a. sögustaði úr "Da Vinci lyklinum"
Í Brussel var einnig gott að vera, þar fengum við fínar móttökur hjá Jakobs family.
Formúlan á Spa var síðan algjör snilld og ekki skemmdu úrslitin og árekstrarnir fyrir.
Lentum svo á klakanum aftur í gær og þar var vægast sagt blíðan enda skútur að sökkva í nágrenni vallarins!
Nú tekur síðan við hið daglega amstur og annað skemmtilegt!

2004-08-27T22:30:00.000Z

Paris!!! Nous sommes en Paris et c'est incredible!!
Hello her er gott ad vera, hefdum tho viljad vera pinu lengur a morgun er thad Brussel und dann formula1.
komum orugglega aftur hingad!!

2004-08-23T21:49:00.000Z

Olympíuhornið!
Nú eru Ól. langt komnir að þessu sinni og íslendingarnir farnir að týna tölunni, helstu vonbrigði leikanna eru afrek "strákanna okkar" í handboltanum en þeir áttu 4 slappa leiki og einn "alltílæ" má segja að ekki hafi verið næg breidd í liðinu. Tillaga mín er því að allir fari á 4 mánaða sjoppufæði til þess að laga breiddina fyrir HM í janúar, það er eiginlega bara Sigfús sem hefur einhverja breidd. Síðan held ég að Guðmundur frændi minn Guðmundsson ætti bara að taka sé pásu frá þessu djobbi.
Nafni minn Ruslan stóð sig fantavel á bogna hrossinu en einhver Úkraínskur dómari þurfti endilega að vera á klósettinu meðan Rúnki var á hestinum og gaf honum því skítaeinkunn og hrifsaði af honum bronsið.
Jón Arnar tognaði svo í langstökkinu í dag og er ég nú ekki hissa á því eftir að hafa séð lúkkið á drengnum, hann hefur líklega ofreynt vöðva aftan á lærinu við að raka sig, en hann leit út eins og blanda af Burt Reynolds, Wrestling manni og Snigli númer 4.
Þakka gott hljóð.

2004-08-12T10:14:00.000Z

Sólin sólin allsstaðar
með sólargleði og brúnkufar
hendum okkur hafið í
hellings vit í því

2004-08-10T11:44:00.000Z

Þvílíkt bong!
Svakalegt veðurlag á Íslandi í dag, og víðar geri ég ráð fyrir. Þakka fyrir að vera í vel loftkældu rými þar sem gluggar eru í lágmarki ella yrði meður geðveikur fyrir aldur fram. Öfunda samt oggulítið reykingamennina sem eru alltaf úti á tröppum að sóla sig og smóka, merkilegt hvað reykingafólki er oft gert hátt undir höfði. Þegar ég var í menntó þá var reykherbergið langflottasta nemendaaðstaðan, sófar og læti meðan aðrir kúrðust á göngunum. Maður reykti slatta óbeint á þeim árum var oftar en ekki í bíl á rúntinum þar sem 4 reyktu nonstop, taldi mig harðasta óbeina reykingamann landsins.
Það er líka nokkuð merkilegt, þó ég hafi nú ekki gert á því vísindalega könnun, að reykingamenn eru yfirleitt frekar skemmtilegir, hafið þið tekið eftir því? Svipað eins og við hin eftir 2 bjóra!
Reykingar mjög heilla rafta, rettuna færi ég Skapta, fáðu ðér smók.......
Læt ég lokið lofræðu minni um reykingar að sinni.

2004-08-05T10:59:00.000Z

Wow!! Úr einu í annað.....
Þá er kominn ágúst með strákúst og alla sína rigningu, haustar snemma þetta árið sýnist mér!

Frekar langt frá síðasta bloggi en þar sem það eru ekki margir sem lesa þetta skiptir það varla nokkru máli, verslunarmannahelgin var bara fín og fjölbreytt allt í góðu með það.

Held ég þurfi að fara að gefa blóð, hef ekkert farið á túr nýlega og því nauðsynlegt að létta aðeins á blóðbirgðunum.

Sá annars tekjublað Frjálsrar verslunar og þar var enginn annar en Steini Gunn gamall bekkjarbróðir listaður með 2,7 millur í mánaðartekjur, wtf, ótrúlegur andskoti, legg til að hann sjái um næsta reunion aleinn.....

2004-07-31T16:25:00.000Z

Jæja, Leggjabrjótnum var aflýst í þetta sinnið vegna veðurs þannig að við erum bara í borginni í góðum gír, fórum í golf í morgun skötuhjúin og erum nú að fara að bruna á Flúðir til Gústa og Hjördísar og ætlum þar að grilla og djúsa.
Híf hopp og höldum af stað já höldum af stað nema hvað.......(syngist)
Munið svo: Ástin er það eina sem vex, er við sóum henni.

2004-07-28T10:18:00.000Z

Framundan er Verzlunarmannahelgin þar sem allir nema verzlunarmenn í sjoppum fá frí á mánudag....
Við ætlum ekki til Eyja þetta árið nema jú Erna sem skemmtir sér vafalaust frábærlega. Planið er að ganga Leggjabrjót og standast þá áskorun að brjóta ekki legg í ferðinni. Lagt upp frá botni Hvalfjarðar á laugardag og þrammað á Þingvöll hvar tjaldað verður, grillað, öl kneifað og sungið ótæpilega.
Í golfi getur maður fengið fugl, það þýðir að spila holu á einu höggi minna en par, fyrir slakan golfara eins og mig þykja það nokkur tíðindi að fá fugl og mun ég tilkynna það hér.
Fékk sumsé einn fugl í gær á 9undu á Korpunni en það sem meira er, þá lá við að ég fengi kött líka, því það munaði ansi mjóu að ég hitti kött í ansi misheppnuðu höggi mínu á 8undu braut boltinn rúllaði 10 cm frá kattarkvikindinu og hélt síðan áfram út í á og sigldi sína leið.
Mikið og fjörugt dýralíf á golfvöllum þessa lands, hef orðið fyrir stóðhestaárás, kríuskít og goggi, mýfluguskoltum, rjúpuropi, lóuhoppi og nú síðast kattaróféti.

2004-07-23T13:52:00.000Z

Af mér er allt skítsæmilegt að frétta.
Málaði girðingu með Maríu í gær, við rosa dugleg.
Fer í golfkennslu á eftir og svo er komin helgi, jibbýýý
Erfitt að klára svona heila viku eftir sumarfríið.
Plan helgarinnar er óráðið en uppástungur vel þegnar.

2004-07-19T12:22:00.000Z

Það líður frekar langt á milli blogga þessa dagana, en nú er maður búinn með sumarfríið ´´i bili og situr fyrir framan skjáinn allan daginn og getur þá kannski skrifað eitthvað.
Annars var sumarfríið mjög fínt, hefði viljað vera lengur þar sem veðrið er svo geggjað þessa dagana. Við vorum túristar í Reykjavík, gerðum margt skemmtilegt, fórum á Árbæjarsafn, löbbuðum á Úlfarsfell og klifruðum upp á Esjuna, þá var legið í sólbaði, baðað sig í pottinum og étið ótæpilega af grillmat. Esjan var bara merkilega fín, ég hef í gegnum tíðina gert frekar lítið úr þessu fjalli, kallað það smá hól og eitthvað svoleiðis en það er pínu krefjandi að labba þarna upp og við klifruðum einnig beint upp klettana eins og einhverjir Everest farar, en við vissum ekki fyrr en upp var komið að það væri mun léttari leið til. Ég var því drullufeginn þar eð ég kveið því frekar mikið að fara sömu leið niður enda nokkuð lofthræddur náungi.
Ég keppti einnig í golfi, Meistaramóti GR, sem er nú líklega rangnefni á mótinu fyrir minn flokk sem er lélegasti flokkurinn, en miðað við það gekk það barasta bærilega, 7unda sæti.
Fór svo í Golf með Maríu á laugardaginn og lofar það góðu og munum við stunda það saman næstu vikur því Anna er hjá Pabba sínum um þessar mundir og Magna og Katla á Ísafirði.
Þá var einnig farið á Stuðmannaball á laugardaginn með Þóru Jónu og Ella og Ingu og Gunna, þar var stuð að vanda og gætum við huxanlega hafa lent í næstu Stuðmannamynd!

2004-07-06T13:43:00.000Z

Long time no see.
Þá er maður búinn að skreppa á Vestfirðina, þeir fínir að venju og vegirnir slappir, en það er nú ekkert atriði.
Málið er að þeir eru langfallegastir (Vestfirðirnir sko)
Nokkuð kalt á Ísó fyrstu dagana, bar nafn með rentu.
Fórum svo inn í Reykjanes á ættarmót og var það sérlega vel heppnað með sól, söng, leikjum, sundferðum og skemmtunum ýmiskonar, mætingin frábær eða 120 sálir.
Brunuðum heim á sunnudeginum, misstum af F1 en náðum úrslitaleik EM þrátt fyrir hálftíma röð í Hvalfjarðagöng og annað eins í gegnum Mosó :(
En nú erum við sumsé í Kleifó í rólegheitum, Katla og Magna verða hjá oss næstu tvær vikur, Katla og Anna Margrét byrjuðu á sundnámskeiði í gær og fíla það barasta vel.

2004-06-28T23:45:00.000Z

Sumarfrí, slepptekki því skrepptu burtu úr bænum......
Já þá er maður kominn í langþráð sumarfrí og það byrjar barasta ljómandi, með sól og blíðu, vaknaði þó um sjöleitið og drattaðist í golf sem gekk upp og niður að venju enda var ég í Grafarholti sem er nokkuð mikið upp og niður labbirí.
Kom svo heim og kláraði smíðarnar og er þeim nú formlega lokið, hjúkk, no more fúsk this summer, þá á bara eftir að losa sig við moldarhauginn og síðan fer ég ekki oftar út á pall nema til þess að grilla, sulla eða liggja í sólinni.
Planið er síðan Ísafjörður á miðvikudaginn, stoppa þar í 2 daga, gista í Hrannargötunni hjá Maríubróður, og svo er Nóramaggadonn ættarmót í Reykjanesi á föstudaginn.
Á sunnudag verður svo brunað í bæinn til þess að ná úrslitaleiknum í EM.
hilsen
r

2004-06-22T14:32:00.000Z

Los presidentos
Nú er úr vöndu að ráða!
Hvurn skal kjósa um næstu helgi?
Ólafur Ragnar er ekki boðlegur forseti að mínu mati, við eigum að vísu sameiginlegt að hafa fæðst á Ísafirði og við erum með gleraugu en að öðru leyti eigum við ekki samleið, hann er kommi, reyndar smá vindhani því hann byrjaði sem framsóknarmaður en sá að frami sinn yrði meiri í Alþýðubandalaginu og smellti sér því þangað. Ástþór er nokkuð sérstakur náungi en einhvernveginn finnst mér ekki traustvekjandi fólk sem sprautar yfir sig tómatsósu og klæðist jólasveinabúningi. Baldur tæki sig eflaust vel út í jólasveinabúniningi en einhvernveginn finnst mér hann ekki nógu kúl sem forseti, þekki manninn að vísu ekki rassgat en en en. Ef ég mæti ekki á kjörstað skoðast það að ég sé ánægður með óbreytt ástand þannig að varla gengur það. Svo gæti maður kosið þann sem á sætustu konuna, er það ekki sú Rússneska eða Mússóinn? Ætli maður skili þá ekki bara auðu.
Ef það eru einhverjir lesendur að þessu rugli þá væri kannski ráð fyrir þá að hjálpa mér við þessa ákvarðanatöku með því að gefa commennt!!

2004-06-20T23:53:00.000Z

Fúsk
Ég veit nú ekki hvort hið merkilega fúskarafélag er ennþá til, en ef svo er þá held ég hafi toppað sjálfan mig í fúskinu.
Sumsé byggði bara asskoti fína grind utanum heitapottinn + stækkaði sólpallinn.
Hlakka til að komast í vinnuna á morgun, maður fær kannski að pústa smá þar (líkamlega) ;) en þessi helgi var frekar mikið púl en samt skemmtilegt púl, var líka ljúft að komast í pottinn með Maríu sinni loksins eftir að Óli the plummer lét sjá sig og tengdi pottorminn.
Fór í golfmót á föstudagskvöldið, vormót Odda (er vor?) en veit ekki hvernig gekk því ekki var hægt að telja saman skorið í suddanum þarna um nóttina.
síjaaaaaa!!!!

2004-06-15T11:32:00.000Z

Ammeli !!!!
Hún á afmæli í dag
hún á afmæli í dag
hún á afmæli hún María
hún á afmæli í dag.

Hún er þrítug í dag
hún er þrítug í dag
hún er þrítug hún María
hún er þrítug í dag.

Húrrrraaaaaaaaaa

2004-06-14T12:47:00.000Z

Hrikalega er orðið langt á milli blogga hjá manni, skil ekkert íðessu!!
Hvað um það, síðasta vika nokkuð viðburðarík, hitti Jakob á mánudag, golfmót í Þorlákshöfn á þriðjudag, fékk pott og timbur á fimmtudag, DHL mót á föstudag og rigning rok og búðarráp um helgina. Horfði á fótbolta og formúlu, hinn ótrúlega leik Englands og Frakka :/ makalaust.
Framundan er síðan meiri fótbolti, pottavinna, afmæli Maríu og golf, Hæ hó jibbí jey á fimmtudag, miðnæturgolfmót í Kebbló á föstudagskvöld.
3ja mánaða líkamsrækt minni líkur svo á morgun, get nú ekki sagt að kílóin hafi fokið af en þau hafa í það minnsta færst svolítið til, farið úr bumbunni og í brjóstin og bísepana :)

2004-06-07T10:09:00.000Z

Hæ hó
Helgin var fín, nokkuð hröð en góð samt.
Laugardagur byrjaði með golfmóti í Grafarholti, það gekk ekki nógu vel hjá mínum. Landsleikurinn við England var í svipuðum dúr. Um kvöldið var fimmtugsafmæli hjá Sigga hennar Aðalheiðar og það var mega gaman þrátt fyrir nokkuð regn í garðveislunni. Minn var einnig fullástfanginn af míkrafóninum að eigin mati svona eftirá, en það var sungið við undirspil einhvers gamals Rooftops poppara!
Í gær var farið í sund af tilefni sjómannadagsins og síðan fengum við mömmu og pabba í mat.
Kósý weekend sumsé.
Verð að kvarta aðeins undan skólakerfinu, s.l. 2 vikur hafa verið fullar af einhverjum skertum skóladögum og starfsdögum ýmiskonar. Fólk sem er jú flest í vinnu já jafnvel konurnar líka á vorum tímum, á frekar erfitt með að aðlaga þetta að vinnutímanum, þetta er ekki spurning um að nenna ekki að vera með börnunum sínum annað hvort á að vera skóli eða ekki skóli, ef það er ekkert efni til að kenna síðustu 2 vikurnar á ekkert að vera að teygja lopann svona út í það endanlega með einhverjum dútldögum. Heyrirðu það Þorgerður Katrín!!

2004-06-04T22:36:00.000Z

Ola
Komin helgi á ný. Í gær boraði ég gat á vegg og í dag var ég að moka og saga, puð og púl. Fórum svo í Heiðmörk með Önnu og Ernu nú síðdegis hvar ætlunin var að grilla með Los Tanos grandfamilíos, en þar sem erfitt var að finna staðinn og fólkið með kolin kom svo seint þá skippuðum við grillinu en grilluðum bara heima í staðinn. En þetta var kósý engu að síður. Katla og Magna komu síðan um níuleitið eftir að hafa séð Harry Potter.
Á morgun þarf að ræsa snemma í Opna Oddamótið, spáir rigningu en vonandi gengur það nú ekki alveg eftir.
Adios

2004-06-02T16:36:00.000Z

7 mýbit Grrrrrrrrrrrrrrrrrrrrrrrr
Djöfuls ófögnuður.
Fór í golf á Korpuna í gær og um leið og hætti að rigna gaus upp mýmökkurinn og át mig, fékk eins og áður sagði 7 bit í ennið og hársvörðinn og kláði eftir því.
Grísinn hefur síðan afrekað það fyrstur forseta að staðfesta ekki lög frá réttkjörnu alþingi íslendinga, má búast við miklum hasar í þjóðfélaginu næstu mánuðina og ég sem var kominn með upp í kok af þessarri umræðu um eitthvert smámál, ótrúlegt.
En kosningar eru alltaf skemmtilegar og má búast við því í leiðinni að það komi spenna í forsetakosningarnar, ekki mun ég kjósa Ó. Grímsson.

2004-05-31T23:18:00.000Z

Heibbs þá er helgin á enda runnin.
Rólegheitahelgi í sjálfu sér, verið að dúllast heima og svona, tekið til í bílskúrnum, farið í Smáralindina og greiðslukortunum sveiflað. Fórum í Árbæjarlaugina og táslurnar þvegnar, vona að ég hafi ekki fengið sveppi en sundstaðir eru mjög varasamir í þeim efnum og ég er nýlaus við táslusveppi sem ég burðaðist með í fjölda ára og þurfti alltaf að hafa táslurnar langt niðri í vatninu í heitu pottunum vegna ófríðleika þeirra.
Keyptur var ís og farið í Cole Porter með Ernu og síðan í Garðheima þar sem keyptar voru góðar stjúpur eða eitthvað álíka og plantað í sameignina(úff)
Fór líka í golf í morgun með Valla, tókum 12 holur og gekk þokkalega, 17 punktar á fyrri 9.
Lækka mig næst, lofa því.
Þess má geta að spúsan mín er farin að blogga með góðum árangri og má sjá linkinn hennar hér hægra megin.

2004-05-29T01:09:00.000Z

Þá erum við komin frá Hellunni, þar var hífandi rok en rúlla tókst að næla í 34 punkta annað sæti í gestaflokki og síðast en ekki síst nótt á hótel Sögu jibbýýý.
María var kaddý hjá mér og skóp þennan feikna árangur með góðu vali á kylfum og mórölskum stuðningi, fengum á eftir þetta fína grillaða læri sem var vel þegið af svöngum golfurum.
Er í bæinn var komið náðum við í Önnu Margréti sem var sofandi hjá Kollu frænku en hún sá um pössun kvöldsins.
Á morgun er síðan formúlutímataka og gerir maður sér vonir um að McLaren nái sér á strik eftir að Kimmalingurinn sló brautarmetið á Hokcenheim í dag (gær).

2004-05-28T13:41:00.000Z

Heibbs, bæ jabbæbæbæbæ muniði eftir þessu lagi með Ríó Tríó, ótrúlega hallærislegt!!
En hvað um það, enn ein langa helgin að renna upp, verst hvað þær eru helv. fljótar að líða. Við hjúin ætlum að bruna á Hellu nú á eftir og taka þátt í einhverju tryggingafélagagolfmóti verst að það spáir roki og rigningu enenen það reddast.
Svo er það TM mót í næstu viku og Opna Oddamótið um aðra helgi. Nóg að gera í þessu greinilega.
Meira síðar!

2004-05-24T00:02:00.000Z

Well, slatti búinn að gerast síðan síðast!!
Fór á föstudagskvöldið út að éta á Galíleo ásamt Gunnu Sig og hennar fríða föruneyti, ÉgMaríaErnaMagnaKatlaAnnaSiggaGísliSollaÓli og svo náttúrulega afmæliskellinging sjálf. Hún skemmti sér ljómandi og fékk óvæntan desert frá staðnum, ég fékk hið ómótstæðilega humartagliatelle sem brást ekki frekar en í fyrridaginn. Eftir þetta var þrammað yfir á Dubliners með kelluna aðallega upp á djókið reyndar og heppnaðist það ljómandi og var hún mynduð í bak og fyrir með sukkliði höfuðborgarinnar.
Á laugardaginn stóð ég eins og hálfviti hálfan daginn í grenjandi rigningu á uppboði lögreglunnar í Reykjavík í von um að gera góð reiðhjólakaup það tókst enganveginn en ég var næstum búinn að kaupa tölvuskanna og annað þýfi en var yfirboðinn.
Í dag var skundað á Þingvöll og heit vor treyst, vorum þar í föruneyti Ingu Siggu og Gunna, gengum þar upp og niður almannagjá (þetta var einmitt nafn á lauslátum stúlkum hérna í denn, "hún er nú meiri almannagjáin þessi") síðan átum við nesti, æfðum golfsvefluna og hentum nokkrum krónum í Nikulásargjá! Eftir Þingvallarúntinn var brunað heim í kjúlla og síðan strax í keilumót hjá Nóramaggadonn ættinni, þar kom Elli sá og sigraði, bæði í keilu og púli, næ þér næst væni!!!
zzzzzzzzzzzzzzzzzzzzzzzzz.............

2004-05-21T12:16:00.000Z

Í dag á mín elskuleg tengdamútta 80 ára afmæli, til hamingju með það Gunna Sig, við familían vöktum hana í morgun og buðum uppá huggulegt morgunkaffi síðan stendur til að fara út að éta í kveld.
Fór í golf í gær með Ótta, gekk svona upp og ofan, rigning og rok á köflum, en eftir golfkennsluna þurfti ég að laga gripið og bind ég nokkrar væntingar við þá aðgerð, en þetta tekur tíma að laga!!
Við fengum svo nýjan RAV slyddujeppa á miðvikudaginn og er hann bara helv... flottur og verður maður þá væntanlega að fjárfesta í hatti, því þessi bíltegund er frekar vinsæl hjá gömlum köllum með hatta!!
ble ble

2004-05-19T10:59:00.000Z

Hellú
Mikið afspyrnuslappur sem maður er nú í þessu bloggi, en það er jú bannað ef einhver á að nenna að lesa!!
Annars hefur ýmislegt á dagana drifið, tengdó er komin í heimsókn, Júróvisjón er búið, hæð yfir landinu, fer í golfkennslu í kvöld og eitt annað leyndarmál sem á eftir að koma í ljós!!!
Dætur mínar eru á Ísó í jarðarför Tóta afa síns sem var hinn besti kall, hress og fjörugur meðan hann hafði heilsu til, gekk undir nöfnunum: Tóti í Kuffélaginu, Tóti rukkari, dansljónið. Þakka þér margar góðar stundir og vonandi færðu ekki eins vondan mat á himnum og á sjúkrahúsinu!!! Blessuð sé minning hans.

2004-05-13T21:08:00.000Z

Góðan dag.
Allt í góðu í dag sem og aðra daga, ekkert stórvægilegt hefur á daga mína drifið, tengdó er jú komin íheimsókn, verður áttræð kellan í næstu viku, síðan á Erna dúlla afmæli á morgun og þá höldum við smávegis kaffisamsæti því stúlkan sú er kaffisvelgur hinn mesti :)
Var í golfi áðan með Valsaranum, úthaldið ekki alveg nógu gott, þ.e.a.s. gekk alltaf verr og verr eftir því sem á hringinn leið, en ég er í toppformi engu að síður. Talandi um Valsara þá töpuðu þeir fyrir Haukum í handboltanum og Haukar því meistarar, engum að óvörum!!
úpps, þarf að fara bursta tennurnar hennar Önnu Möggu.
bleble

2004-05-10T11:41:00.000Z

Helgin var ljómandi.
Samt nokkuð svona bissí krissí weekend, barnahelgi og gestahelgi, vorum með aukabarn á föstudaginn, Nínu Dagrúnu, og síðan 2 geggjaða harmonikkuleikara (nei djók) á laugardag og síðan Kollu bollu líka á laugardag.
Sumsé fullt hús af fólki en allt fór vel fram, engin áflög eða stympingar, bara allir glaðir.
Fórum í Smárann á laugardaginn, horfðum á efnilegustu nikkuleikara landsins en gerðum mest lítið. Grilluðum síðan fót af kind og klikkaði það ekki frekar en fyrridaginn.
Við María sólargeisli vorum að dúlla okkur eitthvað í garðinum og bílnum í gær, manni þrælað út af þessarri elsku, Valli, Kristín og Krumma kíktu á pallinn, gaman að sjá þau loksins.
Formúlan sökkaði feitt, Skómakarinn með sinn fimmta í röð og mínir menn til skammar!
Fór í golf í gærkvöldi með Val, Ótta og Jómba, við brósi unnum jafna og skemmtilega keppni.
Held að sveiflan sé að lagast hjá mér!
vííííí

2004-05-06T21:55:00.000Z

Þá nálgast helgin eins og óð fluga, annars leiðast mér gríðarlega óðar flugur og kvíði því þónokkuð er Geitungatussurnar fara að angra heiðvirða íbúa þessa lands. Heyrði í dag í viðtækinu þegar rætt var við flugufræðing Íslands um það hvort mögulegt væri að Geitungadrollurnar hefðu drepist í kuldakastinu núna í vikunni en til mikillar mæðu ku svo ekki vera. :(
Heyrði líka gott hint frá Páli Ásgeiri á sömu stöð, en eitthvað er um það að menn séu að skrúfa af bílnúmerin að framan til þess að þekkjast ekki í löggumyndavélum, en gott ráð við þessu er að spreyja hárlakki á númerin og þá glampar svo á númerin að þau verða ólesanleg! Snilldin eina!

2004-05-03T12:45:00.000Z

Þér helginni lokið, hún var þokkalega viðburðarík, fórum í fertugsafmæli á föstudagskvöldið, mikið fjör, drukknir leikskólakennarar í miklum meirihluta, vaknaði síðan fyrir kl 7 á laugardagsmorgun og fór í golfmót, gekk hörmulega, þunnur í ömurlegu veðri, í alla staði ferlegt. Fórum í mat til Þóru Jónu og Ella um kvöldið og var það ljúft. Sunnudagurinn var tekinn í rólegheit með smá heimilisverkum, göngu og bíltúrum.

Og svo aðal bömmmmmerinnn Leeeeeeds er fallið :(
Óska eftir hugmyndum um hvaða liði ég skal halda í Premier league næsta vetur!
Svo gæti einnig farið að David Coulthard verði ekki í Formúlu 1 næsta ár, hver á að koma í staðinn fyrir hann á mínum "uppáhaldslista" einhver álög á mér greinilega allir svo lélegir sem ég held með.
Í íslenska fótboltanum hef ég heldur ekki getað haldið með neinu liði síðan ÍBÍ varð gjaldþrota 1986 eða þar um bil.
Svo hef ég haldið með sjálfstæðisflokknum lengi vel og síðan ég gekk í hann hefur hann ekki "unnið" kosningar hvorki í bæjarstjórn fyrir vestan, borgarstjórn hér og ekki getað talist sigurvegari í landsmálum þrátt fyrir mesta fylgið.
Óska einnig eftir tilboðum frá stjórnmálaflokkum.
Well
gott í bili.

2004-04-29T08:22:00.000Z

Hér er eitt gott ráð til að losna við símasölu eða kannanafólk.
Þið segist vera upptekin en biðjið sölumanninn að gefa ykkur upp númerið og þið munuð hringja aftur, hann segist ekki mega það, þá biðjið þið um heimasímann, þá segist sá örugglega að hann vilji alls ekki láta hringja í sig heim, þá geturðu einfaldlega sagt, þá veistu hvernig mér líður og skellt á helv...

Annars bara allt í sóma hér í Oklahóma.
bless í bili

2004-04-27T10:52:00.000Z

Í dag er jú þriðjudagur og styttist í mánaðarmótin.
Ég fer að sjálfsögðu í kröfugöngu á 1. maí eins og ég hef gert mjög reglulega síðan ég var 16 ára, enda er ég róttækur vinstri maður eins og allir vita.
Ætli maður fari svo ekki í golfmót um 8 leitið um morguninn þann sama dag og golfið verður því mín kröfuganga og kröfur mínar eru þær að ég lækki forgjöfina.
Og það strax!!!
Hrikalega háleit markmið hjá mínum!

2004-04-23T18:44:00.001Z

Less is more!!

Allir vilja meira á síðuna, hvurslags heimtufrekja er þetta í fólki, munið bara og hafið ætíð í heiðri vísdómsorðin: "less is more" það merkir sjálfsögðu það að það að gera minna er í raun meira því síða sem er full af allskonar dótaríi og skrauti lendir bara í "seinna" bunkanum, maður nennir aldrei að skoða allt gúmmelaðið.
Þetta eru einnig mjög góð vísindi í matargerð og mataráti almennt.
Sumsé ekki sulla of mörgum tegundum af mat saman, heldur velja gott hráefni og 1-2 krydd og láta það duga, ég verð nú samt að játa það að ég get verið dulítill drullumallari í þeim efnum, vill blanda óþarflega mörgu saman. T.d. get ég gert kremjusamloku með: smjöri, skinku, osti, sveppum, sinnepi, tómatsósu, hamborgarasósu, kartöfluflögum, salatblaði, papriku og jafnvel bökuðum baunum (sem María kallar tómatbaunir) þessu er gott að sulla öllu saman á eina kremjusamloku og síðan lekur slepjan öll út þegar þetta er klárt!! Unaður!!
Þetta flokkast að sjálfsögðu ekki undir "less is more" og er því undantekningin sem sannar regluna. Síðan er það þetta með átið, ef maður étur aðeins minna þá verður maður minni feitabolla sem gerir það að verkum að maður verður meira fit. Sneeeeðugt.

2004-04-23T18:16:00.000Z

Þetta var nú lítið mál, oseisei.
No problem for John Goblem eins og máltækið segir.